近來熱門話題 - 取消強積金對沖機制，大家點睇呢？
我一直有個疑問就係引入MPF前，長期服務金通常由雇主承擔，沒有從員工薪金扣除。然後引入MPF供款時每月就由雇主員工一齊供，上限雙方各$1500。所以從數字上，強積金對沖並沒有令員工少咗福利。
(來源：Copilot AI)
剛試著計算，月薪3萬做十年，所得的長期服務金是 $150,042, 而MPF中雇主供款部份就係 $180,000 ($1500 x 12 x 10)。員工似乎沒有蝕喎。
(來源： 長期服務金 / 遣散費計算機)
當然MPF有缺點，例如要年滿65歲時先可以取回、基金表現導致虧損等等。
反之都有優點，例如長期服務金就唔會因為公司倒閉消失。
當然而家取消對沖又沒有取消雇主每月供款MPF部份，咁樣咪好似收2人份？ 作為員工嘅我就緊係支持啦，做緊嘅員工會變多咗錢喎。
但係，取消對沖後雇主為降低成本可能出價或褔利都會調低。呢一個決定長遠來講真係為香港好嗎？ 定係，我理解錯了 🤔