返工搭「回頭車」

今早早咗起身出門，啲小巴又順，結果早咗20分鐘就到火車站。因為想有位坐又太過早，所以再試一次搭去上水搭「回頭車」。無計啦，長途車企全程真係幾辛苦。

原來上水好多人等位坐先上車（同我一樣😂），因為唔係尾站所以空位唔多，直到等咗第三班才有空位。原來呢班係7：50特別班空車！ 唔怪得前面個人第二班都唔上車。

計算時間後，發現最多只係早咗10分鐘，所以還是等大埔8點鐘的特別班最好。