Uncategorized, 隨筆

更換Boox poke pro 電池

近日留意到部BOOX閱讀器會突然冇電, 而且每況愈下。 有一晚充滿電後,隔天早上想用時發現完全冇電,而且因為電子紙關係,冇電時畫面係停留在最後嘅畫面, 有時真係好難分辨,不過留意顯示時間就知道已經停了很多個小時。

幸好偉大祖國不愁沒零件,唯一擔心係質量問題。結果還是搏一搏到淘寶一件數十元嘅電池。

昨晚自行更換電池,打開主機不算困難,但發現電池係用膠黏著機身點固定,又因為避免弄破電池,所以花了不少時間慢慢撬開。至於原裝電池係焊接在PCB,而替換就使用接頭。

習慣先為電池量度電壓以及接線,才發現三條電線的極性不對,例如紅色不是正極。當時真的擔心起來了,雖然電壓正常(3.9v),但始終正負極倒轉就會傷害主機。

當時留意到PCB上有一個可能是電源用接頭,花了一會時間上網查,才弄清代用電池附帶的接頭可直接插進去,不用焊接,還弄明白代用電池電線顏色是錯。最終確定插入測試成功,復活了!

發佈回覆

你的電郵地址並不會被公開。 必要欄位標記為 *