今年荔枝當造 又平又靚

剛剛老媽話今年荔枝當造，又平又靚，搞到我都好想即刻買嚟試試。

老媽仲話，以前啲人認為如果農曆4月8日 係天晴，咁樣啲荔枝就會好靚，唔會有蟲 。但如果係落雨，啲荔枝就好有機會有蟲。

仲有，如果嗰一排成日落雨，咁樣啲荔枝味道會變得淡。

雖然呢一啲民間資訊冇乜科學根據，但係 一信無妨，信下都冇壞呀。